БИШКЕК. Өлкөдө уюшулган кылмыш топторуна каршы күрөш күчөтүлөт жана мындай иш-чараларды премьер-министр Николай Танаев жетектейт. Бул тууралуу бүгүн президенттин маалымат кызматынан кабарлашты. Мындан ары өкмөт башчысы апта сайын күч структуралардын жетекчилери менен жолугушуп, алардын иши боюнча отчет алып турат. 13-апрелде президенттин күч структураларынын жетекчилери менен болгон жолугушуусунда бул тармактагы кадрлардын даярдыгын жакшыртуу тапшырылды. Ал эми мындай иш-чаралар үчүн бюджеттен кошумча каражаттар талап кылынат. Парламентке болсо кылмыштуулуукка каршы күрөшүүдөгү укуктук негиздерди камсыз кылган мыйзам долбоорлорун иштеп чыгуу жана айрым мыйзамдарга толуктоолор менен өзгөртүүлөрдү киргизүү сунушталды.
