СКОПЬЕ. Бүгүн Македонияда президенттик шайлоо өтүп жатат. Мамлекет башчысынын ордуна төрт талапкер ат салышып жатат жана байкоочулардын көз карашында, азыркы премьер Бранко Црвенковскийдин шайлануу мүмкүнчүлүгү баарынан жогору. Шайлоого баары болуп, эларалык 300 байкоочу көз салууда. Шайлоодо жеңип чыгуу үчүн талапкер добуштардын теңинен кем эмесине ээ болууга тийиш. Кезексиз шайлоо мурдагы президент Борис Трайковскийдин авиакырсыктан күтүүсүз курман болгонуна байланыштуу өткөрүлүп жатат.
