КАНДАГАР. Бүгүн Ооганстандын түштүгүндөгү жардырууда Ооган полициясынын жогорку даражалуу офицери генерал Салим Хан жана анын эки сакчысы жараат алышты. Окуя Кандагар шаарында Хандын машинеси АКШнын курулуш аскерлеринин базасынын жанынан өтүп баратканда болгон. Кабарчыларга госпиталдан берген маалыматында Салим Хан бомба машиненин бир тетигине орнотулуп, алыстан башкарылган болуу керек,- деген пикирин билдирди. Кандагар талибдердин негизги таканчык жери болгон жана генерал Хан кол салуунун артында талибдер турганынан айтат.
