БИШКЕК. 22-23-апрелде Москвада Шанхай кызматташтык уюмуна кирген мамлекеттердин тышкы иштер министрлеринин жыйыны болот. Ага Кыргызстандан өлкөнүн тышкы иштер министри Аскар Айтматов катышат. Бул тууралуу бүгүн тышкы иштер министрлигинен кабарлашты. Маалыматка караганда, жыйында ШКУга кирген мамлекеттердин президенттеринин өткөн жылы май айында Москвада өткөн саммитинде кабыл алынган чечимдердин аткарылышы жана быйыл июнь айында Ташкенде боло турган кезектеги саммитине даярдык көрүү маселеси талкууланат.
