БИШКЕК. 16-апрелде Кыргызстандын Коопсуздук кеңешинин катчысы Мисир Ашыркулов Санкт-петербург шаарында авто кырсыкка кабылды. Мындай маалыматты Орусиянын РИА “Новости” агенттигинин кабарына таянып, АКИпресс агенттиги жума күнү таратты. Ал маалыматка караганда, Мисир Ашыркуловдун саламаттыгы жакшы. Жол кырсыгынан эч кандай жаракат алган эмес. Ооруканага жеткирилип, медициналык текшерүүдөн өткөрүлөөрүн Кыргызстандын Орусиядагы элчилиги маалымдаган. Мисир Ашыркулов Санкт-петербург шаарына Жамаатык Коопсуздук келишими уюмуна мүчө өлкөлөрдүн Коопсуздук кеңеш катчыларынын жыйынына барган.
