Словакияда бүгүн президенттик шайлоонун экинчи айлампасы өтүп жатат

Словакияда бүгүн президенттик шайлоонун экинчи айлампасы өткөрүлүүдө. 3-апрелдеги биринчи айлампада мурдагы премьер-министр Владимир Мечиар жана парламенттин мурдагы спикери Иван Гаспарович алдыңкы орунга чыккан. Мечиар премьер болуп турганда эл аралык уюмдар анын авторитардык бийлигин көп сындаган жана 1998-жылдагы парламенттик шайлоодо ал утулган. Гаспарович дагы Мечиарга жакын саясатчы болчу, бирок 2002-жылы анын партиясынан чыгып кеткен.