Сауд Арабиянын полициясы бүгүн борбор калаа эр-Рияд шаарында жарылуу зат жүктөлгөн машине таап, аны зыянсыздаштырды. Бир аптанын ичинде өлкөдө үчүнчү ушундай машине табылууда. Өткөн жылы Сауд Арабияда ишке ашырылган террор аракеттеринен 50 адам курман болгон, өткөн аптада болсо борбор шаарда белгисиз согушкерлер менен куралдуу кагылышуу болуп, андан беш полициясы набыт кетти.
