БИШКЕК. Бүгүн Москвада «Алтын маска» деп аталган эларалык театралдык фестивал соңуна чыкты. Ага Кыргызстандан «Туңгуч» театры драматург Султан Раевдин «Канышанын көз жашы» аттуу драмасы менен катышты. Фестивалдын жыйынтыгында «Канышанын көз жашы» беш мыкты чыгарманын катарына кирип, келерки жылы май айында Москвада боло турган Бүткүл дүйнөлүк театралдык олимпиадага катышууга укук алды. Андан сырткары «Туңгуч» театры койгон драма Орусиянын «Культура» каналы тарабынан толук тартылып алынды жана ал жакын арада көрсөтүлмөкчү. Бул тууралуу Султан Раев бүгүн "Азаттыкка" билдирди.
