БИШКЕК. Апрель айынын соңунда Өзбекстандын Наманган шаарында кыргыз-өзбек чегарасын делимитациялоо боюнча эки өлкөнүн өкмөттөр аралык комиссиясынын кезектеги отуруму болот. Анда жалпы узундугу 1295-чакырым келген эки мамлекеттин чегара сызыгын аныктоо боюнча сүйлөшүүлөр улантылат. Бул тууралуу тышкы иштер министрлигинин жооптуу кызматкери Эрик Асаналиев билдирди. Чегараны делимитациялоо боюнча быйыл алгачкы сүйлөшүүлөр январь айынын аягында Бишкекте өтүп, анда 30 чакырым келген чегара сызыгы аныкталган.
