Италиянын премьер-министри Силвио Берлускони бүгүн кызмат сапары менен Маскөөгө келди. Президент Владимир Путин менен ал Липецк шаарында жаңы италиялык заводду ачуу аземине катышты. Андан тышкары эки жетекчи террорчулукка каршы күрөш, Европа Биримдигиндеги маселелер, Жакынкы Чыгыш, Ирак, Ооганстан жана Балкан жарым аралындагы абалды талкуулады. Берлусконинин пикиринде, Орусия менен Европа ортосундагы кызматташуу күчөсө, Европа Атлантикадан Тынч океанга чейин кулач жаят.
