Алманиянын тышкы иштер министри Йошка Фишер бүгүн кызмат сапары менен Ооганстанга келди. Алгач ал Кундуз провинциясында кызмат өтөгөн 300 немис аскери менен жолукту жана кечинде Кабул шаарында президент Хамид Карзай менен кездешет. Үстүбүздөгү жылдын ичинде НАТО аскерлери Кабул шаарынан тышкары башка провинцияларды да өз көзөмөлүнө алууга тийиш. Өлкөдө азыр НАТОнун алты жарым миң аскери бар.
