ЛОНДОН. Британия коалициянын башка мүчөлөрү менен Ирактан чыгып кетип жаткан испан аскерлеринин ордун толтуруу маселесин талкуулады. Премьер-министр Тони Блэр Ирактагы британ аскерлеринин санын көбөйтүү пландаштырылбаганын айтты. Ал эми анын өкүлү азырынча конкреттүү чечим кабыл алына электигин билдирет. Иракта азыр Британиянын 9 миң солдаты кызмат өтөөдө.