БИШКЕК. Президенттин буйругу менен Кыргызстанда информациялык технологиялар боюнча улуттук борбор түзүлдү. Анын уставы бекитилип, директорлукка Алмаз Бакенов дайындалды. Борборго камкордук көрүүчү кеңеш түзүлүп, анын курамына президенттик администрациянын жетекчиси баш болгон бир катар министрлик, мекеме жетекчилери кирди. Борборду түзүүнүн максаты - информациялык технология жаатында адам ресурстарын өнүктүрүп, адистерди даярдоо жана илимий изилдөө иштерин жүргүзүү.
