Украинадагы Чернобыл атомдук электростанциянын төртүнчү реактору 1986-жылдын 25–апрелинен 26сына караган түнү жарылган эле. Анын натыйжасында радиация Украинандан тышкары Беларус менен Орусиянын аймагына да тараган. Миңдеген адамдар, көбүнесе кырсык болгон аймакта жашагандар менен анын кесепеттерин жоюуга катышкандар айыкпас дартка кабылышты. Өткөн ишемби күнү Украинанын башкалаасы Киевде бир нече миң адам демонстрацияга чыгып, Чернобыл кырсыгынан жабыр тарткандарга колдоо жок экендигине нааразылык билдиришти.
