БИШКЕК. Бүгүн белгилүү финансист, Ачык коом институтунун төрагасы Жорж Соростун Кыргызстандагы иш сапары башталды. Ал бүгүн президент Аскар Акаев менен жолугушту. Анда Ачык коом институтунун Кыргызстандагы долбоорлору тууралуу сөз болуп, Акаев Бишкекте жайгашкан Борбор Азиядагы Америка университетин калыптандырууга кошкон салымы үчүн ыраазылык билдирди. Жорж Сорос ушул эле күнү экономикалык саясат боюнча «Бишкек ымаласы» институтунда «Тегерек үстөл» жыйынынын өткөрүп, бир катар саясатчылар менен көзмө-көз пикир алышты. Бирок анда кандай маселелер боюнча сөз болгону маалымдалган жок.
