Бул - Муамар Каддафинин Европада акыркы он беш жыл ичиндеги алгачкы сапары. Ливия былтыр декабрь айында өзүнүн массалык кыргын салуучу куралдар программасын токтотконун жарыялаган эле жана азыркы иш сапар ушул окуядан кийин болуп жатат. Кадафи Брюсселде Европа Биримдигинин жетекчилиги менен эки тараптуу мамилени жакшыртууга байланышкан маселелерди талкуулайт. Эларалык мунапыс уюму анын сапары алдында жарыяланган отчетунда Ливия бийликтери соңку ийгиликтерине карабай, саясий туткундарды жок кылууну, адамдары түрмөгө салуу, кыйноо тажрыйбасын жана адам укуктарын тебелөөнү улантып жатканын белгиледи.
