Европа Биримдиги менен Орусиянын ортосундагы келишим уюмдун жаңы мүчөлөрүнө да жайылтылат

Мындай документке кечээ Люксембургда Евробиримдиктин азыркы төрагасы – Ирландиянын тышкы иштер министри Брайн Коуэн жана Орусиянын тышкы иштер министри Сергей Лавров кол койду. Ага ылайык Орусия менен Евробиримдиктин ортосундагы кызматташтык жана өнөктөштүк жөнүндөгү келишимдин шарттары уюмга 1-майдан тарта кирүүчү он өлкөгө да жайылтылат. Люксембургдагы сүйлөшүүлөрдө Евробиримдиктин кеңейиши жана Орусиянын тынчызданууларын жараткан проблемалар боюнча биргелешкен билдирүү да кабыл алынды.

Таңкы жаңылыктар түрмөгүн даярдаган - Улан Эшматов, Прага