Саламаттыкты сактоо тармагына бөлүнгөн каражат кыскарууда

БИШКЕК. Кыргызстанда жылдан жылга республикалык бюджеттен өлкөнүн саламаттыкты сактоо тармагына бөлүнгөн акчанын өлчөмү кыскарууда. Саламаттыкты сактоо министилигинин маалымат кызматынын кабарлоосуна караганда, 1995-жылы Саламаттыкты сактоого тармагына өлкөнүн ички дүң жыйымынын төрт пайызы бөлүнсө, 2003-жылы бул тармакты каржылоого бөлүнгөн каражат ички дүң жыйымдын 2% гана түзгөн. Анын ичинде 2003-жылы Чүй обласына 163 миллион сом, Ысыккөлгө 84, Нарынга 68, Таласка 49, Жалалабадга 170, Баткенге 78, Ошко обласына 253 жана Бишкекке 201 милион сом бөлүнгөн.