Израилдин премьер-министри Ариэл Шарон Газа тилкесинен чегинүү боюнча баштапкы план өзгөртүлүшү ыктымал деп ишара кылды

Депутат Йехьел Хазандын айтымында, Шарон планга алымча-кошумчаларды киргизүү боюнча долбоорду параламентке сунуш кылганы жатат. Кечээки референдумда анын жаңы сунушу колдоо таппай калган эле. Ликуд партиясынын мүчөлөрүнүн дээрлик 60 пайызы Шарондун планына каршы добуш берген.
Ак Үй референдумдун натыйжасына карабай, бул маселеде Шаронду колдоосун уланта берээрин билдирди.