ЖАЛАЛАБАД. Облустун талааларында айыл-чарба иши күч алып, Өзбекстандын Анжиан жана Наманган облустарынын атуулдары кыргызстандыктарга жалданып иштөөгө өтүштү. Учурда жер жумшартуу жана пахта чабуу, турак жай куруу жумуштарында өзбекстандык 1,5-2 миңдей атуул иштеп, беш жүздөйү жашылча-жемишин базарларда сатып, үй-бүлөсүн багып жатышат. Жай, күз айларында легалдуу эмес эмгек мигранттарынын саны 8 миңден да ашуусу күтүлөт. Учурда талаада иштегендерге жер ээлери күн сайын тамак-ашынан, жол киресинен сырткары 60 сомдон акча төлөшүүдө.