Түндүк Кореянын лидери Ким Чэн Ирдин орунбасары Ким Ён Нам британдык “Файнэншл таймс” гезитинде жарыяланган маегинде террордук уюмдарга, айрыкча “Ал-Каидага” эч качан массалык кыргын салчу курал бербейт деп ишендирди. Пхеньяндын атомдук программасы АКШнын кол салуу коркунучунан өлкөнү коргоо максатын гана көздөйт. Ошол эле учурда Ким Ён Нам Пхеньян Вашингтон менен мамилелерин жакшыртууга кызыкдар экенин да ырастады.
