БИШКЕК. 18-майда Кыргызстанга ЕККУга мүчө өлкөлөрдүн уюмдагы элчилеринен турган делегациясы келет. Алар президент Аскар Акаев, Жогорку Кеңештин кош палатасынын төрагалары А.Эркебаев, А.Бөрүбаев, тышкы иштер министри Аскар Айтматов, акыйкатчы Турсунбай Бакир уулу менен жолугушуп, Кыргызстандагы адам укуктарынын абалы, сөз эркиндиги талкууланат. Иш сапардын соңунда журналисттер менен жолугушуу өткөрүлөт. ЕККУнун элчилеринин иш сапары 20-майда соңуна чыгат. Бул тууралуу ЕККУнун Бишкектеги өкүлчүлүгүнөн маалымдашты.
