ЖАЛАЛАБАД. Демократия жана атуулдук коом үчүн Коалициясынын облустагы бөлүмү күзүндө башталуучу жергиликтүү жана эмки жылы болуучу парламенттик, президенттик шайлоону көзөмөлдөөчү атуулдарды тандай баштады. Байкоочулар менен бирге шайлоо комиссияларынын курамына бейөкмөт уюмдардан сунушталуучу өкүлдөрдүн тизмеси такталды. Сузак районундагы 3 айыл өкмөттөн азырынча мамлекеттик эмес уюмдардын 28 мүчөсү байкоочулукка өз макулдугун беришти. Алдын ала маалыматтар боюнча облустагы борбордук райондордун шайлоо округдарына кеминде бирден көз каранды эмес байкоочу бекитилет.
