БИШКЕК. Бүгүн Бишкекте 13 саясий партиянын өкүлдөрү өлкөнүн шайлоо системасына байланыштуу жыйын өтөрүштү. Анын жыйынтыгында президентке жана Жогорку Кеңештин төрагаларына кайрылуу кабыл алынды. Анда Жогорку Кеңештин, облустук жана Бишкек, Ош шаардык кеңештеринин депутаттарынын 50% партиялык тизме боюнча шайлоону киргизүү сунушталды. Жыйында ошондой эле саясий партиялардын клубун түзүү сунушу жактырылды. Шаршембидеги жыйынга «Атамекен», «Арнамыс» сыяктуу оппозициялык, экинчи тараптан «Алга, Кыргызстан» баш болгон өкмөтчүл партиялардын өкүлдөрү катышты.
