Шаршембиде Израилдин танктары аскердик авиациянын колдоосу астында палестин качкындарынын Рафах лагеринде рейд өткөрүп, ал жердеги ракеталык чабуулдан жети палестин набыт болгону кабарланды. Андан бир нече саат мурдараак Израил армиясынын өкүлдөрү аскердик машинеге чукул жерде палестиндердин Исламий жихад уюму жардырган бомбадан беш жөөт аскери жантаслим болгонун кабарлашкан. Шейшембиде ушул уюм өзүнө алган бомба жардыруусунан Израилдин алты аскери набыт болгон.
Газадагы кагылышууларда соңку эки күн ичинде жөөттөрдүн 11 аскери жана 20дан ашуун палестин өлүмгө учурады
