БИШКЕК. Бүгүн Бишкекте "Жибек жолу тарыхы жана коммуникация" аттуу биринчи эл аралык симпозиум ишин аяктады. Түркиянын эл аралык кызматташтык жана өнүгүү боюнча агенттиги менен Кыргыз-Түрк «Манас» университети уюштурган симпозиумда Улуу Жибек жолунун тарыхый орду жана ушул жол аралаган мамлекеттердин орток маданий дөөлөттөрү, экономикасы, тарыхы, байланышы жана анын азыркы доордогу өнүгүүгө тийгизген таасири талкууга алынды. Симпозиумга Түркиянын жана Борбор Азия мамлекеттеринин окумуштуулары катышты.
