БАГДАД. АКШ аскер соту Ирактагы айыпкерлерди түрмөдө мазактагандыгы үчүн аскер кызматчы Джереми Сивитсти бир жылга кести. Сот ошондой эле аны туура эмес жүрүм-туруму үчүн аскерде кызмат өтөө укугунан ажыратты. Джереми Сивитс "Абу-Грейб" түрмөсүндөгү жаңжалга байланыштуу айып тарткан биринчи аскер. Бир ай мурда ачыкталган бул чатак учурда АКШ коалициясынын Багдаддагы штабында териштирилүүдө. Багдаддагы аскер трибуналы бул иш боюнча айып тагылып жаткан дагы үч аскерди суракка алууда.
