“Кумтөралтын" компаниясы киреше-чыгымдарын коомчулукка ачык маалымдайт

БИШКЕК. “Кумтөр” алтын компаниясы киреше-чыгымдардын эсеп-кысабын ар бир жарым жылда коомчулукка билдирип турат. Мындай кадам менен тоо-кен өндүрүшүнүн иштери ачык болуп, коомчулукта ишенбөөчүлүктү, талаш-тартыш жараткан кырдаалга чекит коюлат. Бул тууралуу Каржы министринин орун басары Эмирлан Төрөмырзаев бүгүн маалымат жыйынында билдирди. Анын айтымында, Британиянын тоо-кен өндүрүшүнүн ишинин ачык болуу демилгесине Кыргызстан 9-өлкө болуп кирген. Аталган демилге Улуу Британиянын премьер-министри Тони Блэрдин демилгеси менен 2002-жылдын сентябрында түзүлүп, аны 8 мамлекет колдоп, мүчө болуп кирген.