Спирт ичимдиктерине жана йоддолгон тузга атайын коргоочу марка коюлат

БИШКЕК. Кыргыз өкмөтү жасалма жол менен өндүрүлгөн жана башка өлкөлөрдөн ташылып келинген спирт ичимдиктери менен йоддолгон туздун Кыргызстандын аймагында сатылышына тыюу салуу тууралуу токтом чыгарды. Ага ылайык 2004-жылдын 1-августунан баштап Кыргызстандын аймагында өндүрүлгөн жана башка өлкөлөрдөн ташылып келинген спирт ичимдиктери менен йоддолгон тузга атайын коргоочу марка коюлат. Ошондой эле өкмөттүн токтомуна ылайык буга чейин мындай тамак-аш продуктыларын көп өлчөмдө өндүрүп сатып келген ишканаларга өз товарын эч кандай белгиси жок эле 2004-жылдын 1-ноябрына чейин сатууга уруксат берилди. Бул тууралуу өкмөттүн маалымат кызматынан кабарлашты.