БИШКЕК. Үстүбүздөгү жылы жогорку окуу жайларына кабыл алуу үчүн жалпы республикалык сынак 26-майдан, 30-майга чейин ар бир област, шаар, райондордогу атайын борборлордо өткөрүлөт. Жогорку окуу жайларына өтүүнү каалаган абитуренттерди каттоо 15-марттан, 9-апрелге чейин уюштурулду. Бары болуп өлкө боюнча 40 миң абитурент каттоодон өкөрүлдү. Республикалык сынактын жыйынтыгы июнь айынын соңуда чыгарылат. Ал эми сынактан өткөндөрдү Жогорку окуу жайларына кабыл алуу 12-июлда башталат. Бул тууралуу Билим берүү министрлигинин маалымат кызматынан кабарлашты.
