КАРАКОЛ. Көргөзмө АКШнын Кыргызстандагы элчилигинин каржылык колдоосу менен ачылды. Анда 19-20-кылымдагы америкалык кыл калем ээлеринин 40тан ашуун эмгектери коюлду. Көргөзмөнү ачуу аземинде сөз сүйлөгөн «Лидер» бейөкмөт уюмунун өкүлү Жемпре Хомстун айтымында, ысыккөлдүк көрөрмандардын сынына коюлган сүрөттөрдүн түп нускасы алынып келинбеген менен ал эмгектерде америкалык ар бир сүрөтчүнүн ою ачык жана даана берилген. Көргөзмөгө кызыккандар 19-июнга океандын ары жагындагы өлкөнүн турмушу чагылдырылган сүрөттөр менен тааныша алышат. Ал эми сентябрда көргөзмө облустун бардык мектептеринде уюштурулат.
