ЦХИНВАЛИ. Түштүк Осетияда өткөн парламенттик шайлоонун болжолдуу тыянагы бүгүн чыгышы күтүлүүдө. Грузия президенти Михаил Саакашвилинин Кавказды бириктирүү аракети Ажариядан башталып, ал Саакашвилинин кызыкчылыгына чечилген. Түштүк Осетиянын лидери Эдуард Кокоити бул аймак грузин өкмөтүнүн каалоосуна баш ийбестигин жарыялап, Орусияга кошулуу максаты барын белгиледи. Түштүк Осетия Грузияга каршы 90-жылдардын башында сепаратисттик согуш ачкан. Бирок эл аралык коомчулук бул аймакты Грузиянын бир бөлүгү катары тааныйт.
