БИШКЕК. Бүгүн Кыргызстандын Каржы министрлиги менен Германия өкмөтүнүн ортосунда каржы тармагында кызматташуу тууралуу макулдашууга кол коюлду. Анын негизинде ушул жылы Германия Кыргызстанга 16 миллион евро бөлө турган болду. Бул каражаттын 8 миллиону жергиликтүү өзүн-өзү башкаруу органдарынын абалын жакшыртууга, 4 миллион евросу Бишкектин энергия менен камсыз кылуу тармактарын оңдоого, 3 миллиону медициналык тез жардам системасын түзүүгө сарпталат. Берилген каражаттын 7 миллион евросу грант түбүндө берилип, калганын өкмөт кийин кайтарып берет.
