БИШКЕК. Учурда Кыргызстанда БУУнун адам укуктары боюнча жогорку комиссариятынын миссиясы иш сапары менен жүрөт. Миссия Кыргызстандагы бийлик, бейөкмөт уюмдары жана саясий партиялардын өкүлдөрү менен жолугушуп, өлкөдөгү адам укугун коргоо багытында атайын долбоор иштеп чыгуунун үстүндө иш алып барууда. БУУнун Кыргызстандагы өкүлчүлүгүнөн алынган маалыматка караганда, миссия өкүлдөрү буга чейин Конституциялык, Жогорку соттун төрагалары, бейөкмөт уюмдардын өкүлдөрү менен жолушууларды өткөрдү. Миссия Кыргызстанда 4-июнга чейин болот.
