Бул жөнүндө Бириккен Улуттар уюмунун атайын өкүлү Лахдар Брахиминин шаршемби күнү таркатылган билдирүүсүндө айтылды. Брахими өкмөттүн премьер-министрлик кызматына белгилүү илимпоз Хусейн Шахрастани дайындалганы жатыптыр деген кабарды төгүнгө чыгарды. Шахрастани менен жолугуп, бир катар маселелерди талкуулаганын ырастап, Брахими Ирактын белгилүү окумуштуусу өкмөттүк кызматка кызыкпай тургандыгын бышыктады. Шахрастани атом тармагында иштеген илимпоз. Ал - Саддам Хусейндин тушунда түрмөдө отурган.
