Кыргызстан менен Тажикстан аскердик кызматташтыкты чыңдоого кызыкдар

БИШКЕК. Бүгүн мамлекет башчы Аскар Акаевдин Тажикстанга болгон расмий сапары соңуна чыкты. Анын учурунда "Ынтымак коңшулук жана өнөктөштүк тууралуу" келишимге, Аскердик кызматташтыкты чыңдоо жөнүндөгү келишимге жана өз ара байланышты чыңдоого багытталган жети макулдашууга кол коюлду. Андай макулдашуулардын арасында Кыргызстандын атуулдугун жеңилдетилген жол менен алуу, жашыруун маалыматтарды коргоо жана мамлекеттик чек арадагы текшерүү постору тууралуу макулдашуулар бар. Бул тууралуу президенттин маалымат кызматынан кабарлашты.