Тегеран шаарындагы Британиянын элчилиги алдында бүгүн каршылык митинги болуп өттү. Ага катышкан жүздөгөн адам Ирактагы куралдуу кагылышуулар учурунда шийи мечиттерине зыян тийгенине каршылык билдирип, Вашингтон менен Лондондун саясатын сынга алды. Ирандын руханий жетекчиси аятолла Али Хаменеи 28-майды Иракта курман болгондорго аза күтүү күнү деп жарыялады.
