БИШКЕК. АКШ өкмөтүнүн коомдук жана гуманитардык жардам көрсөтүү боюнча Каунтерпарт Интернешнл программасы Алай районунун Будалык айылында жер көчкүдөн жапа чеккендерге 900 күрмө, бир жолу ичүүчү 5 миң 750 даана даяр тамак жана 12 эки кабаттуу керебет берди. Жалпы суммасы 44 миң 822 доллар турган бул жардамды кечээ программанын координатору жапа чеккендерге жеткирип берди. АКШнын бул программасы жер көчкү жүрөөрү менен буга чейин 3 жарым миң долларлык кийим-кече, уктоочу мүшөк, чатырларды жана идиш-аяк берген.
