Пакистанда коопсуздук чаралары күчөтүлдү

КАРАЧИ. Кечээ болгон баш-аламандыктан кийин аскер отряддары Карачинин көчөлөрүн көзөмөлгө алып, кайтара башташты.

Жекшемби күнү талибдерге жан тарткан муфтий Низамутдин Шамзай мечиттен чыгып келе жатканда белгисиз адамдар тарабынан атып өлтүрүлгөн болчу. Буга кыжыры кайнаган анын тарапкерлери көчөгө чыгышып, машинелерди, дүкөндөрдү жана банктарды өрттөшкөн жана полиция бөлүмдөрүнө чабуул жасашкан. Полиция аларды көздөн жаш чыгарчу газ колдонуп атып тараткан.