Коргоо министри Азербайжанга иш сапары менен жөнөп кетти

БИШКЕК. Бүгүн Коргоо министри Эсен Топоев баштаган кыргызстандык делегация Азербайжанга иш сапары менен жөнөп кетти. Коргоо министринин басма сөз маалыматына караганда, Эсен Топоев Азербайжандын Коргоо министри менен жолугушат. Жолугушуу учурунда эки өлкөнүн ортосундагы аскердик кызматташтыкты чыңдоо боюнча келишимге кол коюлат. Ошондой эле Эсен Топоев Азербайжандын президенти Ильхам Алиев, өкмөт башчысы Артур Руси-Заде менен жолугушуп, сүйлөшүү өткөрөт. Кыргызстандык делегациянын Азербайжанга болгон иш сапары 3-июнда соңуна чыгат.