БИШКЕК. Бүгүн Кыргызстандын коргоо министрлигинин базасында Жамааттык коопсуздук келишими уюмунун (ЖККУ) Борбор Азия регионундагы тез аракеттенүүчү күчтөрүнүн оперативдүү тобунун командалык-штабдык машыгуусу башталды. Коргоо министрлигинин басма сөз катчысы Мирбек Койлубаевден алынган маалыматка караганда, машыгууга Кыргызстандын ички иштер, коргоо министрликтеринин, улуттук гвардиясынын, улуттук коопсуздук кызматынын өкүлдөрү да катышууда. Анын максаты - Кыргызстандын коопсуздугуна коркунуч пайда болгон учурларда аталган күч органдары менен ЖККУнун биргелешип аракеттенүүсүн иштеп чыгуу.
