Сауд Арабия террорчул уюмдарды каржылоо булактарына бөгөт коёрун жарыялады

Вашингтонго барган Саудилик расмий өкүл Адел ал-Жубейр Эр-Рияд исламдык кайрымдуулугун чектеп, чет өлкөлөрдү каржылаган менчик эсептерди тескей турган комиссия түзө турганын билдирди:

- Киргизилип жаткан чаралар – кайрымдуулук өтө муктаж адамдарга гана таратылышын көздөйт, эч ким биздин жарандардын айкөлдүгүнөн ашыкча пайдаланбашы керек, - деди Сауд Арабиянын расмий өкүлү.

Саудинин коопсуздук кызматкерлери өткөн дем алыш күндөрү Хобар шаарында адамдарды барымтага алууга тиешеси бар деп шектелген эки согушкерди атып өлтүрүшкөнү кабарланды.