Американын соту Павел Лазаренкону күнөөлүү деп тапты

Украинанын мурдагы премьер-министри Павел Лазаренкого "кызмат абалынан пайдаланып ар кимден пара доолаган жана АКШнын банктары аркылуу мыйзамсыз акча жүгүрткөн" деген айыптар тагылды. АКШнын Сан-Франциско шаарындагы сотто окулган мындай айыптоолорду Лазаренко өзү четке кагууда. Юристтердин айтымында, ал беш жылга чейин түрмөдө отурушу мүмкүн. Ырасмий Киев Павел Лазаренко 1996-97-жылдары премьер-министр болуп турганда, америкалык банктар аркылуу 114 млн. доллар өткөргөн деген кабар тараткан, бул үчүн Швейцариянын соту тарабынан буга чейин ал айыптуу деп табылган.