БИШКЕК. Билдирүүдө Иракта өткөөл өкмөттүн түзүлүшүнө байланыштуу Кыргызстан бул өлкөнү куттуктаары айтылат. Тынчтык орноп, демократиянын жана көзкарандысыздыктын жолунда өнүгүшүнө каалоо билдирилген. Ошондой эле, БУУнун Коопсуздук Кеңешинин Ирак тууралуу резолюциясын ырасмий Бишкектин кубатаары белгиленген. Бул тууралуу бүгүн тышкы иштер министрлигинин басма сөз кызматынан маалымдашты.
