КАРАКОЛ. Касымалы Жантөшов атындагы Ысыккөл облустук музыкалык драма театрында өткөн "Боромбай" тарыхый романынын бет ачаар аземине облусттун коомчулугу, акын, жазуучулар катышты. Иш чарада Ысыккөл коомдук фондусунун төрагасы, депутат Жанкороз Каныметов, тарыхый инсан, заманында мамлекеттик ишмер катары таанылган Боромбай Миңбай уулунун өнөр жолу тууралуу доклад жасады. Ошондой эле ал Боронбай бийдин быйыл белгиленүүчү 225 жылдыгына карата чыгарылган бул романдын жазылыш тарыхына токтолуп, акын жана котормочу Эрнис Турсуновго ыраазычылык билдирди. Аземде сөз алып сүйлөгөндөрдүн пикиринде автор мурда санжырада гана айтылып келген бир топ тарыхый окуяларды көркөм сөздүн күчү менен ишенимдүү чагылдыра билген.
Ал эми Эрнис Турсуновдун айтымында, Боронбай бийдин бейнесин ачууда жана тарыхый окуяларын тактоодо ал бай архивдик документтерге таянган.
Ал эми Эрнис Турсуновдун айтымында, Боронбай бийдин бейнесин ачууда жана тарыхый окуяларын тактоодо ал бай архивдик документтерге таянган.
