Министр Эффи Эйтам өкмөттүн палестин аймактарындагы жөөт кыштактарын көчүрүп кетүү планына нааразычылык билдирип, отставкага кетти. Турак жай боюнча министр жана Улуттук динчил партиянын лидери Эйтам анын партиясы коалициялык өкмөттүн курамында кала берерин кошумчалады. Премьер-министр Ариэл Шарондун ал планы боюнча, Газа секторунда жана Иордандын батыш жээгиндеги чакан аймакта жашаган жөөттөр келерки жылдын аягына дейре Израилге көчүрүлүшү керек.
