БИШКЕК. 11-июнда Бишкектеги Токтогул атындагы улуттук филармонияда ЮНЕСКОнун башкы директору Коитиро Мацууро кыргыз элинин манасчы, дастанчы, төкмө акындык өнөрүнө "Дүйнөлүк оозеки мурастын шедеври" дипломун тапшырды. Бул иш-чарага премьер-министр Николай Танаев жана мамлекеттик катчы Осмонакун Ибраимов катышты. Дипломду тапшыруу аземинен кийин кыргыз элинин салттык музыка концерти тартууланды.
