БИШКЕК. Жогорку Кеңештин Мыйзам чыгаруу жыйыны бүгүн бир катар макулдашууларды ратификациялады. Алардын ичинде Шанхай кызматташтык уюмунун ишмердүүлүгүнө байланыштуу бир катар макулдашуулар бар. Бириккен Улуттар Уюмунун коррупцияга каршы конвенциясын ратификациялоодо депутат Өмүрбек Текебаевдин сунушу менен эгемендүүлүк доорунан бери мамлекеттик кызматтарда иштеген адамдардын кыймылсыз жана башка мүлктөрү жөнүндө маалымат берүү өкмөттүк органдарга тапшырылды.
