ВАШИНГТОН. Америкалыктар АКШнын 40-президенти Рональд Рейган менен коштошуп жатышат. Рейган өткөн ишембиде 93 жаш курагында дүйнөдөн кайткан. Маркумдун сөөгү койулган Капитолийде мамлекеттик аза күтүү каадасы өткөрүлүп, ага АКШнын президенти Жорж Буш, үч экс-президент, дүйнөнүн бир катар өлкөлөрүнүн жетекчилери жана мурдагы СССРдин президенти Михаил Горбачев катышты. Аза күтүү каадасы Вашингтондун кафедралдык соборунда аяктайт. Маркум Калифорнияда жерге койулат.