ЗАГРЕБ. Еврошаркеттин тышкы байланыштар боюнча комиссары Крис Паттен Хорватиянын Уюмга кирүү үчүн жасап жаткан аракеттерине жогору баа берди. Хорватияда эки күндүк визит менен жүргөн Паттен өлкөнүн президенти Стипе Месич жана башка өкмөт өкүлдөрү менен жолугушту. Хорватия уюмга кирүү арызын 2003-жылдын февраль айында тапшырган. Кечээ уюмду кеңейтүү маселелери боюнча комиссары Гүнтер Ферхойген Хорватияны кабыл алуу тууралуу сүйлөшүүлөр келерки жылы баштала турганын кабарлады.
